|
عن زد نت |
|
شركه بتشتغل اونلاين بنساعد العملاء في خدمات الانترنت بعيدًا عن الجزء الخاص بالشركه – بحيث اننا نكمل شغل الشركه في بعض الاحيان اللي العميل مابيقدرش يعمله إلا من خلال زياره الفروع.. |
|
دورنا مع العميل |
|
بعض الخدمات علشان يعملها بيحتاج يكلم خدمة العملاء ونتيجة للتواصل الهاتفي مابيقدرش موظف خدمة العملاء يعمل كل حاجه فبيطلب احيانا من العميل انه ياخد الراوتر ويزور الفرع .. واحيانا بيروح الفرع موظف الفرع بيساعده في جزء واحيانا بردو بيقوله ارجع لخدمة العملاء .. فاحنا هنحاول نساعد العميل بانه ياخد الخدمه اللي بتتقدم له من خدمة العملاء سواء فرع او كول سنتر من خلال زياره لحد بيته – يعني مش محتاج يقف في الفرع بالساعات ولا ينتظر دور - ولا يعطل نفسه، ولا يخاف من الزحمة وكورونا.. مقابل مبلغ مادي بسيط.. |
|
طبيعة خدماتنا |
|
· الحمايه بقدر اساعد العميل ازاي يعرف ان الراوتر مخترق – وبقدر اساعده في اننا نختار افضل انواع الحمايه للراوتر بتاعه سواء اخفاء الشبكه او نعمل حجب للهواتف الغير مرغوب بها.. · الامان بنوفر طرق لحجب المواقع الاباحيه علشان نطمن على اطفالنا · مشاكل تغطيه الشبكه (مدى الواي فاي) احيانا بيكون الراوتر جديد وبتكتشف فجاءه ان المدى بتاعه بقي ضعيف وده بيكون بسبب حاجتين اما مشكله في الراوتر او مشكلة بتكون في اعدادات في الراوتر – فبنقدر نعالج ده لو من خلال الاعدادات · المساحات الواسعه احيانا بيكون حجم الشقه اكبر من مدى (الواي فاي) او ممكن يكون شقتين مشتركين على خط منزلي واحد ومشتركين فيه بيحتاج جهاز مقوي للشقه التانيه (الاكسيس بوينت) او ( الريبيتر) دي اجهزه بتاخد من الراوتر الاساسي وتوزع انترنت، وممكن لو عندك راوتر قديم نحوله لموزع انترنت وبيتم استغلاله لتقويه اشاره الواي فاي.. · مشاكل الالعاب الاونلاين / ping اغلب اللي بيلعب بابجي عارف يعني ايه (بينج) وعارف بيعمل ايه في اللعب كل مابيكون عالي- ساعات بتكون بعض الخطوط سرعتها عاليه لكن في اللعب او في مشاهدة الفيديوهات ما بتكونش بالكفاءه المطلوبة – رغم ان ده ممكن يتضبط بإعدادات بسيطة في الراوتر ( بس بشرط ان حالة الخط تسمح بكدا)
· لو مشترك جديد ولسه جايب الراوتر جديد وبعد ماركتبه وكلمت خدمة العملاء قالك كل شيء سليم بس انت محتاج تضيف الاعدادات على الراوتر وحاولت معاه لكن الخطوات كانت صعبه عليك – احنا هنا نقدر نجيلك نبرمج لك الراوتر – ونغير اسم الشبكه ونضيف باسورد جديد للواي فاي
|
|
مناطق التغطيه |
|
- حالياً .. الهرم، فيصل، المريوطيه، وضواحيهم وقريب ان شاء الله يكون في توسع |
|
تكاليف الخدمه |
|
هتكون على حسب نوع الخدمة والمسافه وهتتراوح ما بين ( 50 ج حد ادنى و 200ج حد اقصى) |
|
التواصل معنا |
|
من خلال صفحتنا على الفيسبوك من خلال الجروب الرسمي على الواتساب |
